Presidenti Aleksandar Vuçiq, në takimin “Ballkani Perëndimor dhe BE” tha se është shumë e rëndësishme që lidhja e rajonit të bëhet përmes funksionit të ashtuquajtur linja e gjelbër në vendkalime, ndërsa u shpreh se kur bëhet fjalë për tregun e përbashkët rajonal, Serbia do të jetë e hapur për të gjitha idetë dhe e gatshme për t’i realizuar ato, transmeton InLajmi.
Ndërsa foli për lëvizjen e lirë të njerëzve e mallrave, Vuçiq tha se është shumë e rëndësishme funksionimi i linjës së gjelbër, si zona e vetme evropiane e pagesave
“Përmes funksionit të kësaj linje do të krijohej një mjedis më i mirë biznesi për të gjithë ne, për njerëzit tanë, por edhe për të gjithë të tjerët që dëshirojnë të investojnë në këtë rajon”, tha Vuçiq në takimin për Planin Evropian të Zgjerimit të Ballkanit Perëndimor.
Sa i përket tregut të përbashkët rajonal, Vuçiq theksoi se Serbia do të jetë plotësisht e hapur ndaj të gjitha ideve dhe e gatshme për t’i realizuar ato.
“Kam një kërkesë të madhe që të gjithë ju nga organizatat rajonale dhe nga Bashkimi Evropian të na ndihmojnë për disa çështje, sepse do të na duhet të zgjidhim disa probleme të vështira me të cilat do të ballafaqohemi, duhet të harmonizohemi kur është fjala për masat ekonomike. Politika e subvencioneve dhe gjithçka tjetër, para se të hyjmë në BE”, tha presidenti i Serbisë.
Vuçiq shprehu besimin se vendet e Ballkanit Perëndimor nuk do ta përdorin politikën për të penguar bashkëpunimin apo për të zbatuar masa kundër njëra-tjetrës.
“Unë besoj se janë çështje që do të duhet t’i diskutojmë dhe t’i zgjidhim sa më shpejt, gjithçka tjetër është e mirë, sepse mendoj se lidhja në rajon është si ajo që bëmë në kuadër të Open Balkans për lejet e punës. Dhe nëse e nënshkruajmë këtë protokoll (për aksesin e lirë në tregun e punës në Tiranë, Shkup dhe Beograd), do të jetë një lajm i mirë për njerëzit e të 3 vendeve”, tha Vuçiq.
Ai tha se kjo është ajo që ne mund të bëjmë në të gjithë rajonin e Ballkanit.
Vuçiq theksoi se është mirë që deri më tani janë diskutuar për përmirësimin e ekonomisë.
“Është diçka për të cilën besoj se gjithmonë mund të gjejmë një emërues të përbashkët”, ka theksuar Vuçiq. /InLajmi/
