Duke folur për vendimin e kryeministrit Albin Kurtit për ndalimin e dinarit në Kosovë, Srgjan Barac nga Qendra për Stabilitet Social thotë se ky vendim është measazh i qartë për aktin përfundimtar, dëbimit të serbëve nga Kosova, transmeton InLajmi.
Barac tha se nuk është më një dëshirë e fshehur, por një dëshirë transparente, e cila i jep fund projektit të tyre të pavarësisë.
“Po ashtu, po nis një projekt i ri, që ka shumë gjasa të jetë bashkimi me Shqipërinë. Kjo është agjenda që nuk është shkruar as sot e as dje, është shkruar para 100 vitesh, ndoshta edhe sot, por 100 vitet e fundit dihet për atë axhendë”, tha Barac për Novo jutro në TV Pink.
Siç vlerësoi ai, serbëve iu mohuan të drejtat themelore të njeriut, e drejta për jetë, e drejta për liri dhe pronë.
Nga ana tjetër Stefan Srblanoviq nga Qendra për Stabilitet Social vlerësoi se nëse dikush nga bashkësia ndërkombëtare nuk i bën më shumë presion Albin Kurtit, është e sigurt që dinari do të hiqet.
“Tani është e qartë pse ne vazhdimisht insistojmë në respektimin e Marrëveshjes së Brukselit, si diçka që përmban formimin e Asociacionit”, tha Srbljanoviq. /InLajmi/
