Një nga qentë më të suksesshëm në botë, një Shiba Inu i quajtur Marutaro , vdiq së fundmi në moshën 16-vjeçare. Ndjekësit e tij në rrjetet sociale, prej të cilëve vetëm në Instagram janë 2.5 milionë, prej ditësh i thonë lamtumirën kafshës së tyre. Por, përveç që u solli shumë lumturi pronarëve gjatë jetës së tyre, u solli atyre edhe një pasuri të madhe, e cila sipas disa vlerësimeve është rreth 1.5 milionë dollarë.
Shumicën e kësaj shume e kanë fituar duke filmuar reklama, por edhe duke shitur produkte të ndryshme me imazhin e tij.
Megjithatë, Maru, siç e quanin ndjekësit e tij, nuk ishte kafsha më e pasur në botë. Ju prezantojmë mbajtësit e rekordeve për fitimet midis qenve dhe maceve:
Macja Nala (100 milionë dollarë)
Kafsha shtëpiake më e pasur në botë është një mace e quajtur Nala, e cila falë popullaritetit të Instagramit, ku numëron 4.5 milionë ndjekës, hyri në Librin e Rekordeve Guinness. Pronarët e saj, të inkurajuar nga sharmi i saj, vendosën të fillojnë prodhimin e ushqimit premium për macet, marka e të cilit është Nala.
Lëvizja e biznesit doli të ishte një sukses i plotë dhe i solli Nalës dhe familjes së saj një pasuri të vlerësuar në rreth njëqind milionë dollarë.
Olivia Benson (97 milionë dollarë)
Së fundmi bota qarkulloi lajmin se macja skoceze e yllit të popit planetar Taylor Swift e quajtur Olivia Benson është më e pasur se i dashuri i saj, Travis Kelce.
Olivia, të cilën këngëtarja e adoptoi në vitin 2014, tani ka një vlerë prej 97 milionë dollarësh, falë paraqitjes në disa nga videot e pronarit të saj.
Macja simpatike, e cila ka marrë emrin e një personazhi të serialit “Law and Rend”, ka edhe linjën e tij të produkteve të ndryshme dhe është shfaqur në shumë reklama me buxhet të madh.
Nga ana tjetër, pasuria neto e Travis Kelce vlerësohet në 40 milionë dollarë.
Oprah Winfrey’s Dogs (30 milionë dollarë)
Ndërsa kafsha shtëpiake e Taylor Swift duhet të punojë ende për të fituar pasurinë e saj, disa kafshë shtëpiake do ta trashëgojnë atë.
Mbretëresha e programit talk show Oprah Winfrey thuhet se ka krijuar një fond special, përmes të cilit do t’u lërë 30 milionë dollarë qenve të saj Sadie, Sunny, Lauren, Layla dhe Luca.
Zippom (25 milionë dollarë)
Pomeranezja e lezetshme Jifpom nga Çikago ka më shumë se 30 milionë ndjekës në mediat sociale dhe është qeni më popullor në Instagram me mbi nëntë milionë ndjekës.
Falë reputacionit të mirë që e ndjek, pronarët e tij krijuan një sërë produktesh me karakterin e tij dhe qyteti i Los Anxhelosit festoi “Ditën e Jiffit” më 20 gusht 2014, kushtuar qenit simpatik.
Për shkak të gjithë kësaj, pasuria e tij vlerësohet në 25 milionë dollarë.
Chopetta (13 milionë dollarë)
Sigurisht, trashëgimtarja më e famshme në këtë listë, Chupetta e parezistueshme, e preferuara e të ndjerit Karl Lagerfeld, mori një trashëgimi të madhe, por vazhdoi të punonte dhe të xhironte reclama, shkruan Alsat.m
Angazhimet e saj i sollën gati pesë milionë dollarë dhe tani pasuria e saj vlerësohet në 13 milionë mbresëlënëse.
