Viti që sapo ka filluar është edhe viti i sfidave të mëdha të qeverisë Kurti. 2 janë kauzat e mëdha të Kurtit para se të vinte në pushtet, jo dialog dhe vetëm vetëvendosje.
Por sipas kryetarit të grupit parlamentar të AAK-së në Kosovë, Besnik Tahiri, të 2 këto teza i kanë rënë. Në një intervistë për A2CNN ai është shprehur se dialogu po zvarritet dhe po bëhet ashtu siç nuk donte Kurti, ndërsa qeverisja është zhvendosur në Bruksel.
“Kryeministri Kurti erdhi në pushtet me 2 kauza të mëdha. Jo negociata dhe vetëvendosje. Ajo që ndodhi në këto tre vitesh është se ai asgjë tjetër nuk bëri veçse u morr me negociata. Pra kauza jo negociata ra e tëra poshtë dhe kauza e 2 vetëvendosje, u pa qartë, se për çështje tepër të brendshme vendimmarrjen e transferoi në Bruksel dhe e dëmtoi Kosovën.”
