Ministri i Punëve të Jashtme Ivica Daçiq tha të enjten se deklarata e ministrit të Jashtëm britanik David Cameron se Britania e Madhe do të ndihmojë të ashtuquajturat Kosova të marrë njohje të reja është jashtëzakonisht hipokrite dhe meriton dënimin më të ashpër, transmeton InLajmi.
Ndërsa e quan hipokrite deklaratën e kryediplomatit britanez, Daçiq tha se Cameron nuk tha as edhe një fjalë për Albin Kurtin i cili nuk po zbaton Marrëveshjen e Brukselit.
“Ai nuk tha asnjë fjalë se Albin Kurti dhe Kosova tash e 11 vite refuzon zbatimin e Marrëveshjes së Brukselit, të cilën ndër të tjera e ka nënshkruar dhe garantuar në emër të Bashkimit Evropian britanikja Catherine Ashton, ndërsa nuk është përmendur asnjë fjalë për terrorin dhe dëbimin me dhunë të më shumë se 200.000 serbë, si dhe shkatërrimin e kishave serbe dhe manastireve nga mesjeta, Cameruni premton ta ndihmoj Kosovën për njohje të reja dhe pranim në institucionet ndërkombëtar”, u shpreh Daçiq për Tanjug.
Daçiq kujtoi se Britania e Madhe e njohu Kosovën vetëm një ditë pas shpalljes pavarësisë, më 18 shkurt 2008, dhe e përkrah atë për 16 vjet.
Daçiq theksoi se Serbia do të vazhdojë të jetë faktor konstruktiv në dialog, por gjithashtu theksoi se ka të drejtë, jo më pak se çdo vend tjetër në botë, të mbrojë interesat e saj kombëtare dhe shtetërore dhe integritetin e saj territorial. /InLajmi/
