Ministri i Mbrojtjes, Ejup Maqedonci, ka deklaruar se vendi është në rrezik për sulme të reja nga Serbia.Ky paralajmërim i Maqedoncit vjen pasi atyre të dhëna nga kryeministri Kurti, presidentja Osmani dhe Ministri i Brendshëm Xhelal Sveçla.
Në lidhje me këto paralajmërime ka folur avokati kosovar, Ardian Bajraktari tha se situata në Veri mbetet e brishtë por sipas tij nuk ka rrezik për sulme pasi në Kosovë është KFOR-i.
“Situata në veri vazhdon të mbetet e brishtë dhe me potencial për sulme të ngjashme me atë të Banjskës të 24 shtatorit, por kushdo që merret me artin e luftës dhe gjendjen në terren, në veçanti Serbia e di se këtu është KFOR-i, prandaj për luftë nuk e besoj se i shkon mendja dikujt që merr vesh në këto situata. Organet ligj-zbatuese duhet, dhe besoj që janë në nivel të kryerjes së detyrave dhe përgjegjësive të tyre brenda frymës dhe gjendjes në terren”, dekaroi ai.
Ai tutje u shpreh se Kosova duhet të ketë veprime të koordinuara me EULEX dhe KFOR.
Sa i përket mundësisë për luftë, Bajraktari, u shpreh se “Fjalë ka, luftë nuk e besoj”.
“Natyrisht se për shkak të specifikave, Kosova duhet të ketë veprime të koordinuara me partnerët tanë të cilët kanë rol në fushën e sigurisë, siç është EULEX-i dhe KFOR-i”.
“Situata dhe veprimet në terren po shkojnë gradualisht në drejtim të përmbushjes së zotimeve që kanë marrë të 2 palët në proces të dialogut. Tashmë kemi diskutime dhe thuajse pajtim në parim të draft-statutit për Asociacionin e Komunave me shumicë serbe, kemi pranimin e targave të Republikës së Kosovës nga ana e Serbisë, sikundër që kemi edhe hapa konkret në drejtim të organizimit të procesit të largimit të kryetarëve nga pozitat e tyre përmes peticionit. Po ashtu besoj se së shpejti do të pranohen edhe targat e Serbisë nga institucionet tona. Fjalë ka, luftë nuk e besoj”, deklaroi avokati kosovar për “Gazeta Blic”.
Ministri Maqedonci tha se Serbia ka dislokuar në jug të territorit të saj tri nga katër brigadat e saj ushtarake me qëllim që t’a mban nën presion Kosovën“Serbia ka dislokuar në jug të territorit të saj 3 nga 4 brigada e saj ushtarake me qëllim që të mbaj në presion Republikën e Kosovës, duke i shtuar kësaj edhe 48 baza të përparme operacionale që janë vendosur në kufi me Kosovën. E gjithë kjo gjendja na lë të dimë që ka rrezik dhe gjithmonë vendi ynë është nën kërcënim” u shpreh Maqedonci.
