Kryetari i Komunës së Prishtinës, Përparim Rama ka bërë bilancin e vitit 2023 të cilin e ndau me qytetarët, përcjell InLajmi.
Rama vitin që po lemë pase konsideron si një vit të transformimit të kryeqytetit ndërsa u realizuan shumë projekte dhe se projektet transformuese tha ai nuk do të ndalen e do të vazhdojnë tutje.
Duke folur për transformimin i pari i kryeqytetit përmendi disa nga projektet e realizuara vjetore, ndër to ndriçimin e rrugëve dhe rrugicave, renovimi e hapësirave publike dhe objekteve, ndërtimin e shkollave dhe çerdheve.
Gjithashtu ai përmendi edhe organizimin e aktiviteteve të ndryshme kulturore dhe sportive në kryeqytet si vlerë e shtuar në transformimin e aktiviteteve kulturore.
Më tutje Rama e konsideroi këtë vit si një vit me sfida dhe arritje teksa uroi qytetarët për Vitin e Ri.
