Shërbimi Klinik Universitar i Kosovës ka bërë të ditur se nga janari deri në fund të vitit 2023 janë regjistruar mbi 2.000 që dëshmon për rritjen progresive të sëmundjeve malinje, përcjell InLajmi.
SHSKUK, bën të ditur se 50.000 vizita onkologjike janë ofruar për pacientët, nga muaji janar i vitit 2023, deri më tani, në Klinikën e Onkologjisë të Qendrës Klinike Universitare të Kosovës, kurse sipas regjistrit të klinikës.
Në Repartin e kimioterapisë janë përgatitur dhe aplikuar rreth 100.000 terapi sistemike, tabletare, subkutane dhe intravezikale.
Tutje, sipas të dhënave zyrtare të SHKUK-së, mësohet se në repartin e Radioterapisë janë ofruar 31.000 shërbime ku përfshihen trajtimi i pacientëve me radioterapi eksternale, realizimi i planeve të trajtimit me konturim etj.
Në këtë klinikë poashtu, janë ofruar 2.000 shërbime të Brakiterapisë, disa prej aplikimeve të brakiterapisë janë realizuar në bashkëpunim me anesteziologët e Klinikës së Anesteziologjisë.
SHSKUK bën të ditur gjithashtu se Shërbimi i Fizikës Mjekësore ka realizuar rreth 11.000 shërbime përgjatë vitit 2023.
Postimi i plotë i Shërbimi Spitalor Klinik dhe Universitar i Kosovës:
50.000 vizita onkologjike janë ofruar për pacientët, nga muaji janar i vitit 2023, deri më tani, në Klinikën e Onkologjisë të Qendrës Klinike Universitare të Kosovë, QKUK, kurse sipas regjistrit të klinikës, ka pasur 2.000 raste të reja me kancer.
Në Repartin e kimioterapisë janë përgatitur dhe aplikuar rreth 100.000 terapi sistemike, tabletare, subkutane dhe intravezikale.
Në repartin e Radioterapisë janë ofruar 31.000 shërbime ku përfshihen trajtimi i pacientëve me radioterapi eksternale, realizimi i planeve të trajtimit me konturim, simulacione dhe pozicionimet e realizuara nga mjekët, fizikantët mjekësorë dhe teknikët e radioterapisë.
Në këtë klinikë poashtu, janë ofruar 2.000 shërbime të Brakiterapisë, disa prej aplikimeve te brakiterapisë,anë realizuar në bashkëpunim me anesteziologët e Klinikës së Anesteziologjisë.
Shërbimi i Fizikës Mjekësore ka realizuar rreth 11.000 shërbime përgjatë vitit 2023.
Gjithashtu në klinikë janë realizuar rreth 600 seanca të të trajtimit me fizioterapi dhe 600 shërbime psikologjike nga psikologët klinikë.
Në klinikë kanë qenë të shtrirë, 820 pacientë
Aktualisht, me investim nga Ministria e Shëndetësisë, në bashkëpunim me SHSKUK, po zbatohet projekti për rinovim të hapësirave të Klinikës së Onkologjisë.
Krahas kësaj, klinika këtë vit është furnizuar me aparaturën e 2-të të rrezatimit, akseleratorin linear bashkëkohor i cili do të mundësojë dhe trajtimin me metodat më të avancuara të radioterapisë siç është radioterapia stereotaktike.
Regjistri i rasteve të paraqitura për herë të parë në klinikën e onkologjisë ka kapur shifrën e 2.000 rasteve të reja për vitin 2023, që dëshmon për rritjen progresive të sëmundjeve malinje./InLajmi/
