Gjatë mbledhjes së fundit të Qeverisë u miratua Projektligji për Shtetësinë e Kosovës, i cili sipas kryeministrit Albin Kurti synon rritjen e efikasitetit për proceset e shtetësisë raporton InLajmi.
Kryeministri Kurti tha se nëpërmjet këtij ligji do të lehtësohet fitimi i shtetësisë për personat me lejeqëndrim të përhershëm që janë në rrethana të jashtëzakoinshme.
Këtu përfshihen edhe shqiptarët e Preshevës, Medvegjës dhe Bujanovcit që prej shumë vitesh jetojnë në Kosovë.
Ndërkohë ministri i Punëve të Brendshme Xhelal Sveçla është shprehur se ky ligj përcakton kritere të qarta për marrjen e shtetësisë duke rritur kështu efikasitetin dhe transparencën e proceseve për shtetësinë. /InLajmi/
