Deputeti i AAK-së, Besnik Tahiri pas ankesave të shumta të qytetarëve për faturat e KEDS-it tha se Kosova është duke paguar fatura të energjisë të barabarta me ato që i paguajnë shtetasit e Belgjikës e Luksemburgut përcjell InLajmi.
Tahiri thekson se po shkojmë drejt një situate alarmante ku faturat mesatare të familjeve me pak anëtarë, të jenë mes 250-350 euro, kjo është qeverisje e të paaftëve dhe mashtruesve.
Deputeti i AAK-së kryeministrin e quan babadimër të llojit të vet i cili shpërndanë me një dorë, e grabitë me të 2 duart.
Postimi i plotë i tij:
Në vendin me të ardhurat më të ulëta për kokë banori në rajon dhe Evropë, qytetarët e Republikës së Kosovës paguajnë fatura ekuivalente me shpenzimet që paguajnë qytetarët e vendeve më të pasura si Belgjika e Luksemburgu. Po shkojmë drejt një situate alarmante ku faturat mesatare të familjeve me pak anëtarë, të jenë mes 250 – 350 euro. Kjo është qeverisje e të paaftëve dhe mashtruesve. Ky kryeministër është babadimri i llojit të vet, i cili shpërndanë me një dorë, e grabitë me të 2 duart.
Hajde tash kallxona se si KEDS-i përcakton çmimet, dhe se si ju nuk keni asgjë në dorë. Turp! /InLajmi/