Meqenëse edhe shumë pak ditë i ndajnë qytetarët e Kosovës nga lëvizja pa viza në shtetet e zonës Shengen, Integrimi Evropian i Kosovës ka rikujtuar pasojat në rast të shkeljeve të rregullave të udhëtimit, përcjell InLajmi.
Në njoftim është theksuar se nëse qëndrohet më shumë se 90 ditë në vendet e zonës Schengen pa leje qëndrimi ose vizë afatgjatë atëherë qëndrimi quhet i paligjshëm. Gjithashtu është rikujtuar se qytetarët nuk mund të punësohen pa leje pune.
Më tutje për sa i përket ndëshkimeve qytetarët rikujtohen se nëse rregullat shkelen atëherë mund të rezultojë në ndalim të rihyrjes në zonën Shengen e në varësi të shtetit mund të ketë edhe gjoba.
Njoftimi i plotë:
Cilat janë pasojat në rast të shkeljeve të rregullave të udhëtimit #PaViza?
Nëse ju qëndroni në zonën Shengen për më shumë se 90 ditë (pa leje qëndrimi ose vizë qëndrimi afatgjatë) atëherë ju jeni i/e pranishme në mënyrë të paligjshme, ⚠️ gjë që mund të rezultojë në një ndalim të udhëtimit në zonën Shengen. 🚫 Të punohet në zonën Shengen pa leje pune është gjithashtu e paligjshme (edhe nëse është më pak se 90 ditë) dhe gjithashtu mund të rezultojë në një ndalim të rihyrjes në zonën Shengen. 🛂 Në varësi të shtetit anëtar, mund të zbatohen edhe gjoba administrative dhe financiare. 💰 Në rast të shkeljeve eventuale dhe abuzimit të udhëtimit pa vizë, pasojat personale përfshijnë: shqiptimin e gjobës financiare dhe shënim zyrtar në pasaportën dhe dosjen tuaj ku figuron shkelja në sistemin Shengen si dhe ndalimi i hyrjes në zonën Shengen deri në 5 vite. 📅📝 /InLajmi/
