Presidenti Bajram Begaj u bëri thirrje sot shqiptarëve të Luginës së Preshevës, Preshevës, Medvegjës e Bujanocit që të marrin pjesë masivisht në zgjedhje.
Në mesazhin e tij, Begaj vlerëson se zgjedhjet e ditës së nesërme janë një moment shumë i rëndësishëm për përfaqësimin e tyre politik dhe mbrojtjen e të drejtave të tyre.
Sipas Presidentit, “vetëm përmes pjesëmarrjes masive dhe zgjedhjes së kandidatëve tuaj mund ta arrini këtë”, shkruan ATSH.
“Duke shpresuar në një proces sa më demokratik, ju inkurajoj të merrni pjesë në votime e të zgjidhni kandidatët tuaj të preferuar që do t’ju përfaqësojnë në Parlamentin e ardhshëm”, u shpreh Kreu i Shtetit.
