Pas atentatit të ndodhur sot në Rinas, me 1 viktimë dhe 1 të plagosur, ka reaguar kreu i PD Sali Berisha.
Në reagimin e tij, ai ngre pyetje nëse policia ka gisht në ekzekutimin e Gilmando Danit.
“A ka gisht narko-policia në ekzekutimin e Gilmando Danit?
Miq, njëri nga banditët më të fortë të Milit të Partisë apo Emiliano Shullazit u ekzektutua sot publikisht para Komisariatit të Rinasit.
Dani po vinte nga Spanja dhe pasi zbriti nga avioni ishte në makinë i shoqëruar nga inspektori i shërbimit inteligjent të narko-policisë, shoferi i drejtorit te ketij sherbimi Muçi Shaljani i cili mbeti i plagosur rëndë, shkruan Top Channel.
Ky ekzekutim publik ndodhi në vendin më të sigurt të Shqipërisë dhe nuk mund të ndodhte në ate vend veçse me një bashkëpunim të ngushtë të narkopolicisë me vrasësit. Vrasësit e dogjën makinën në Halil, por policia njofton se çuditërisht nuk mund të shkonte aty. Cili ishte roli i narko-policisë në këtë vrasje mbetet për tu hetuar.
