Los Angeles Lakers triumfuan në edicionin e parë të Kupës të NBA, duke mposhtur Indiana Pacers të shtunën mbrëmë me shifrat 123-109.
Lakers e nisën mirë takimin duke e mbyllur çerekun e parë me shifrat 34-29, ndërsa çereku i dytë përfundoi 31-31.
Në periudhën e tretë Lakers ishin sërish më të mirë për tre pikë më shumë 25-22, ndërsa perioda e fundit u mbyll me shifrat 33-27, për rezultatin përfundimtar 123-109.
Më i disponuari në ndeshje ishte Anthony Davis me 41 pikë, 20 kërcime dhe pesë asistime.
Ndërkohë, Austin Reaves shtoi 28 pikë dy kërcime dhe tre asistime. Lojtari më i vlefshëm i këtij turneu u shpall LeBron James, i cili në këtë takim realizoi 24 pikë, 11 kërcime dhe katër asistime.
Përveç marrjes së një trofeu në shtëpi, lojtarët e Lakers me kontrata standarde të dyanshme fituan secili 500,000 dollarë, transmeton Lajmi.net
Është gjithashtu një trofe tjetër për James, i cili ka fituar katër kampionate të NBA dhe ai nuk e fshehu dëshirën e tij për të shtuar titullin në rezymenë e tij.
