Jo si gjithnjë, këtë 28 nëntor kyetari i Partisë Demokratike të Kosovës, Memli Krasniqi po e feston ndryshe, ndërsa emocionet e shënimit të Ditës së Flamurit, 111 vjetorin e Pavarësisë së Shqipërisë po i përjeton së bashku me djalin duke vizituar monumentet e veçanta të historisë shqiptare, përcjell InLajmi.
Së bashku me Malin, ndalesën e parë në këtë ditë të veçantë, Krasniqi e bëri te Kompleksi i Lidhjes Së Prizrenit.
Ai shprehet se aty u ndalëm në nderim të patriotëve shqiptarë, të cilët frymëzuan luftën për liri e shtet të pavarur shqiptar.
Tutje tha Krasniqi se e sotmja merr kuptim vetëm duke e njohur dhe vlerësuar të djeshmen e lavdishme të brezave që trasuan rrugën e kombit tone
Postimi i plotë i tij:
Me Malin, rrugës për Tiranë, për të shënuar 111 vjetorin e Pavarësisë së Shqipërisë, ndalesën e parë e bëmë te Kompleksi i Lidhjes së Prizrenit, për të nderuar patriotët shqiptarë, të cilët frymëzuan luftën për liri e shtet të pavarur shqiptar.
E sotmja merr kuptim vetëm duke e njohur dhe vlerësuar të djeshmen e lavdishme të brezave që trasuan rrugën e kombit tonë./InLajmi/