Shefi i Grupit Parlamentar të Aleancës për Ardhmërinë e Kosovës, AAK-së, Besnik Tahiri, ngriti shqetsimin për gjendjen e rëndë të veteranëve dhe invalidëve të luftës, ndërsa kritikon qeverinë për mosmbështetjen e këtyre kategorive, raporton InLajmi.
Tahiri bëri të ditur se si parti politike janë duke punuar në amandamente që ndihmojnë kategoritë e lartëcekura.
“Janë 2 çështje që dua t’i ngrisin sot e para për 28 nëntorin, gjendja e vet, invalidëve, familjarëve të tyre është në një gjendje shumë të rënd dhe nuk ka as një veprim nga kjo Qeveri. Ne si GP jemi duke punuar në amendamente që do ta ndihmojnë këtë kategori”, tha Tahiri.
Ai i bëri thirrje qeverisë që me buxhetin e ri kjo kategori të trajtohet me respekt edhe me mbështetje financiare.
“Është kërkesë e AAK që në buxhetin e ri që vjen këto kategori të trajtohen me respekt, me financim, pensione e paga. Kjo liri e cila festohet sot, kjo date e cila do të festosh nëse është falë ushtrisë së Kosovës dhe veteranëve të saj”, theksoi deputeti Tahiri.
Nga ana tjetër Tahiri paralajmëron se deputetët e AAK-së do të votoj kundër Projektligjit Fondit Sovran dhe se nëse ai kalon do të adresohen në organet Kushtetuese.
“Çështja e 2-të lidhet me Fondin Sovran, është caktuar që të jetë në seancën e radhës, e dëmton në esencë ekonominë. AAK e kundërshton, do të adresohet në institucionet Kushtetuese”, tha Tahiri./InLajmi/
