Rusia do të ketë gati në vitin 2025, avionin e ri luftarak të tipit “spiun”, Su-75 Checkmate. Kështu është shprehur së fundmi zv/Presidenti i qeverisë ruse dhe njëherësh ministri i Industrisë e Tregtisë, Denis Madurov.
Agjencia shtetërore ruse e lajmeve TASS raporton se Madurov ka dhënë detaje mbi ecurinë e programit të zhvillimit të Su-75 Checkmate, duke zbuluar se ka interes të madh në tregun ndërkombëtar për luftëtarin e gjeneratës së pestë.
Më tej ai ka shpjeguar se gjatë 2 viteve të fundit janë bërë disa ndryshime dhe rregullime në prototipin që inxhinierët prezantuan për herë të parë në vitin 2021, në Dubai Air Show. Sipas Madurov është përmirësuar dizajni i avionit luftarak, sistemet e kontrollit, si dhe sistemet e armatimeve, e municioni që do të mbajë.
Su-75 Checkmate është një avion luftarak me një motor një vendësh që po ndërtohet duke u mbështetur te teknologjia e përdorur në si-vëllanë e tij, “spiunin” Su-57. Sipas inxhinierëve rusë ai do të ketë një ngarkesë prej më shumë se 7 tonë, duke u pajisur me raketa ajër-ajër dhe ajër-tokë.
Ai do të ketë aftësinë për ecur me shpejtësi deri në 1.8 Mach, me një rreze operative prej 3000 kilometrash, i aftë për të goditur një numër të konsiderueshëm objektivash armike në të njëjtën kohë.
Kohët e fundit, prodhuesi United Aircraft Corporation (UAC) ka paraqitur një seri patentash në Shërbimin Federal të Pronësisë Intelektuale Ruse, duke zbuluar modifikime interesante në dizajnin origjinal të Su-75.
Këto patenta lënë të kuptohet se UAC planifikon të zhvillojë një version me dy vende të “spiunit” rus dhe një variant të avionit pa pilot. Modifikimet rrisin kapacitetin e brendshëm të avionit, duke i mundësuar ati, shkruan A2CNN.
Përveç rolit të tij në trajnimin e ekuipazheve të ardhshme Su-75, versioni me 2 vende i këtij avioni mund të shërbejë potencialisht si një “qendër komandimi” për dronët dhe aeroplanët luftarakë pa pilot të tipit Loyal Wingman.
