Historia e shqiptarëve gjatë shekullit të 20-të është kolana më e fundit e veprave të botuara nga Akademia e Studimeve Albanologjike. Drejtuesi i Institutit të Historisë, Afrim Krasniqi, prezantoi 5-së vëllimet për të cilat ka punuar stafi kërkimor i këtij instituti.
44 studiues nga Shqipëria, Prishtina e Tetova kanë punuar gjatë, për thuajse një dekadë për të sjellë në një kolanë me pesë vëllime historinë e shqiptarëve gjatë shekullit të 20-të.
Vëllimi i 5 dhe i fundit, që përfshin ngjarjet nga viti 1945 e deri në vitin 2000 është shkruar pas gërmimeve në burime arkivore të reja dhe të shumëfishta, tregon Afrim Krasniqi, drejtori i Institutit të Historisë që siguron se ky vëllim ka edhe prurje të reja në teza.
Kritika dhe mënyra krahasuese janë ato që e dallojnë këtë vëllim, sipas drejtuesit shkencor të këtij projekti.
Megjithatë, si çdo botim historik, rruga e kërkimit shkencor mbetet e hapur. Presidenti Begaj i pranishëm në këtë prezantim të kolanës vlerësoi 2 qasje të historianëve që kanë punuar për këtë material, shkruan A2CNN.
Promovimi u mbyll me falënderimin e studiuesve që punuan për këtë kolanë.
