Deputeti i pavarur u Kuvendit të Kosovës, Fatmir Humolli, ka kritikuar sjelljen e deputetëve të Lëvizjes Vetëvendosje, ndërsa është shprehur se kjo sjellje është mosrespektim i institucioneve, raporton InLajmi.
Sipas tij, ky është një lloj grushtshtetit që bëhet kundër institucioneve.
Humolli ka ftuar deputetët, sidomos ata të shumicës parlamentare që ta mbajnë fjalën e dhënë gjatë fushatës zgjedhore.
“Ky është një lloj grushtshtetit që bëhet kundër institucioneve. Kemi parë grushtshtete që bëhet nga opozita. Siguria po goditet dhe jo rastësisht kemi parë grupe nga Serbia që kanë marrë guximin të futen. E kanë bërë këtë sepse kanë parë dobësimin e institucioneve të sigurisë. Këto veprime çojnë mesazh për destabilizim”, theksoi Humolli./InLajmi/
