Një udhëtim në Disneyland është i kushtueshëm dhe duke qenë se për shumë njerëz është një nga ata udhëtimet “një herë në jetë”, është mirë që gjithçka të jetë e menduar. Si fillim, duhet të dini se nuk ka “mosha të gabuara” për një udhëtim në Disney. Ai është vend argëtues për të gjitha moshat, megjithatë nëse do zgjidhej një moshë “magjike” për grupmoshat e fëmijëve, ajo do të ishte nga 7 në 12 vjeç. Kjo, për disa arsye:
– Shumica e fëmijëve të këtyrem moshave mund të reagojnë më mirë ndaj radhave të pritjes sesa fëmijët e vegjël. Ata janë më të aftë në menaxhimin e radhës dhe nuk do t’i shihni duke u përplasur në tokë nga padurimi apo duke qarë me zë.
– Në këtë moshë, fëmijët kuptojnë mjaftueshëm sa të dinë më mirë se çfarë duan dhe mos t’ju shpëtojë asnjë eksperiencë pa provuar. Madje, ata mund t’ju orientojnë edhe juve dhe t’ju tregojnë gjëra nuk dini.
– Me fëmijë pak më të rritur në vend të fëmijëve të vegjël dhe parashkollorëve, nuk do ta kaloni të gjithë udhëtimin të mbërthyer në Fantasyland ose Toon Toën. Këto janë dy zonat e Disneyland që kujdesen për grupin e fëmijëve të vegjël / parashkollor. Disa nga udhëtimet janë të lezetshme, por këto dy zona bëhen aq të dendura saqë mund të filloni të ndiheni sikur të jeni bllokuar në një det karrocash për pjesën tjetër të jetës tuaj. Linjat e udhëtimit qëndrojnë mjaft gjatë, sepse disa nga udhëtimet ngarkohen aq ngadalë!
– Së fundmi, 7-12 është mosha më e mirë për Disneyland sepse fëmijët do kënaqen me gjithçka nga udhëtimi te paradat, personazhet, suveniret etj dhe mbi të gjitha do ta memorizojnë më mirë eksperiencën. Kur fëmijët tuaj kalojnë mirë, edhe ju do të kaloni mirë, pa shumë lodhje.
Si t’ia bëni nëse keni fëmijë të moshave të ndryshme?
Nuk ka asnjë problem. Disneyland është gjithsesi për të gjitha grupmoshat. Thjesht bëni kërkimet tuaja para se të niseni dhe mblidhni gjithë këshillat e mundshme për secilën grupmoshë, shkruan Anabel.
Udhëtim të mbarë!
