Që nga e marta, Havai po përballet me tragjedinë më të madhe të kohëve të fundit, derisa zjarret kanë përfshirë një pjesë të mirë të ishujve Maui dhe Big Island.
Teksa kanë kaluar 2 ditë që nga kjo fatkeqësi, 36 persona kanë humbur jetën dhe mbi 270 ndërtesa janë dëmtuar ose rrënuar plotësisht, raporton BBC,
Spitalet në Maui janë mbipopulluar me pacientë të djegur dhe qytetarë të tjerë që po vuajnë nga sasia e madhe e tymit në ajër.
Situata në ishullim Maui, ku vdiqën numri më i madh i njerëzve, vazhdon të përkeqësohet. Zjarret po vazhdojnë të marrin hov edhe si pasojë e një stuhie që ka kapluar vendin. Edhe qyteza e famshme në Havai, Lahaina, është goditur keq, transmeton Gazeta Reporteri
Zyrtarët thonë se ekipe të shpëtimit po vazhdojnë punën në mënyrë që t’i ndalin zjarret dhe t’u dalin në ndihmë të rrezikuarve. Shumë prej tyre janë evakuuar dhe po qëndrojnë përkohësisht të izoluar nëpër strehimore dhe aeroporte.
