Ka vdekur në moshën 63-vjeçare, gazetari, publicist, kritiku dhe dramaturgur shumëvjeçar, Prof. Dr. Haqif Mulliqi, shkruan InLajmi.
Prof. Mulliqi i cili lindi në Pejë (1960), ndërsa arsimin fillor, të mesëm. si dhe studimet themelore, akademike, i mbaroi në Prishtinë.
Veprimtarinë e tij si gazetar e kishte filluar në gazetën Bota e Re, (1983 – 1990), duke vazhduar në gazetën Fokus në Kroaci (1992), gazetën Potlet në Zagreb (1988 -1991), e më pas punoi edhe si redaktor e korrespodent edhe në shumë gazeta e revista të tjera vendore dhe ndërkombëtare. Studimet master mbi psikologjinë, me temën: Psikologjia e karaktereve në veprat ‘Hamleti’, ‘Magbethi’ dhe ‘ Mbreti Lir’ i mbaroi në Tiranë (2009). Ka magjistruar në Universitetin Shtetëror të Tetovës, me temën: Tipa të dramës në Evropë dhe në Amerikë – nga Ibseni e deri tek klasikët e modernizmi: Beket dhe Jonesko (2012). Ka doktoruar në Akademinë e Studimeve Albanologjike në Tiranë, në fushën e antropologjisë së dramës dhe të teatrit, me temën: Teatri, Drama dhe Identiteti Kulturor në Kosovë (2015). Dramaturgu dhe kritiku më produktiv në trojet shqiptare Haqif Mulliqi, ka të botuara mbi 50 drama dhe një krijimtari të gjerë në gazetari, publicistikë e dramaturgji. Ishte profesor në Universitetin e Prishtinës, në Fakultetin e Filologjisë në Departamentin e Gazetarisë, si dhe në Fakultetin e Arteve.
Është laureate i shumë Plaketave, Çmimeve në nivel kombëtar e ndërkombëtar.
Gjithashtu, kontribut të jashtëzakonshëm, Mulliqi bashkë me bashkëshorten e tij Prof. Dr. Shpresa Mulliqi, kanë dhënë kontribut të çmuar gjatë viteve 1998-99, në raportimin gjatë luftës në Kosovë./InLajmi/
