Anëtari i PSD, Zgjim Hyseni, ka krahasuar veprimet e fundit politike të kryeministrit të Kosovës, Albin Kurti me ato diktatorit komunist, Enver Hoxha, në Shqipëri.
Sipas Hysenit, Kurti me veprimet e muajve të fundit në veri të Kosovës i ka bërë “zbor” Zbori ishte stërvitje ushtarake e popullsisë civile në Shqipërinë komuniste klasës politike si në Kosovë ashtu edhe në Shqipëri.
“…Albin Kurti i ka bërë zbor krejt klasës politike në Kosovë dhe në Shqipëri me krijimin e gjendjes së lutës. Secili është bërë pjesë e skenarit te tij dhe, duke u bë pjesë e skenarit të tij, ata e kanë nxjerr atë si ‘Mohikanin e Fundit’ dhe tash që po tërhiqet edhe tash që po shkojmë drejt krijimi të Asociacionit, askush nuk mundet me i thanë që pse u tërhoqe as pse po e formon Asociacionin se krejt i kanë bërë thirrje me u tërheq. Kush ka jetuar në Shqipëri në atë kohë një herë ose 2 herë ën vit, krejt popullsia ka dalë në llogore te zona e zjarrit dhe është simuluar lufta…, zbori është gjendej e jashtëzakonshme ku armiku mundet në çdo moment munde t me të sulmua edhe ti duhet me qëndru në tension dhe gjendje të jashtëzakonshme”, ka thënë Hyseni.
Hyseni, ka thënë se në situata e luftës i “përshtatet” Kurtit, pasi mundet të bëjë “gjithçka, pa i thënë askush asgjë”, shkruan TV Dukagjini
“Në situatën lutës profili politik i Albin Kurtit në prag të një konfliktit sytë janë kah komandanti. Vetëm në situatën luftës kur sytë janë kah komandanti nuk ka drejta të njeriut, mundesh me mbyll media, me arrestu njerëz, me bë arbitraritet dhe askush nuk thotë asgjë, tash në sitën konkrete kur krejt klasa politike janë bërë pjesë e zborit…”, ka shtuar Hyseni.
