Kryetari i Aleancës së Ardhmërisë së Kosovës Ramush Haradinaj, këtë të enjte në një konferencë për media se Kosova është sanksionuar nga mbështetësit me të mëdhenj të pavarësisë, e kjo si pasojë e politikave të Qeverisë, raporton InLajmi.
Haradinaj pas takimit që mbajti me përfaqësues të shoqërisë civile e mediave, shtoi se ata po vazhdojnë dialogun e brendshëm dhe se shihet se të gjithë janë të shqetësuar.
“Një situatë te vështirë që po e kalojmë me sanksionet e miqve tanë, aleatëve të Kosovës. Pavarësisht këtyre po e vazhdojmë dialogun e brendshëm, më parë me përfaqësues të sindikatave e sot me përfaqësues të shoqërisë civile”, u shpreh Haradinaj.
Tutje ai pohoi se si parti e çmojnë lartë rolin e medieve në informim e drejtë, dhe thotë se konkluzë e takimit ishte që nuk duhet heshtur përballë problemeve që ka vendi.
“Të gjithë jemi të shqetësuar. Ne si Aleancë e çmojmë rolin e mediave për senzibilzimin shoqëror, para një situatë ku Kosova është e sanksionuar nga aleatët kryesorë të pavarësisë tonë”, tha tutje ai.
“Shprehim mos pajtim tonë më rastin e Klanit. Ishte kërkesë që opozita të bashkëveprojë me shoqërinë cilivie, për të rikthyer Kosovën në normalitet edhe në rajon, eci përpara me rezultatet e dialogut”, tha kreu i AAK-së.
