Uran Ismaili nga radhët e Partisë Demokratike të Kosovës (PDK) ka deklaruar se më shumë se pesëdhjetë për qind e qytetarëve të Republikës së Kosovës janë të pakënaqur me rrugën në të cilën po ec vendi.
I ftuar në “Debat Plus” të RTV Dukagjini, Ismaili ka deklaruar se një deklaratë të tillë e thotë bazuar në matjet e subjektit të tij politik.
“Shumica e qytetarëve të Kosovës besojnë se Kosova është në rrugë të gabuar. Shumica. Dikush e ka stangimin ekonomik, dikush i ka çmimet e larta. Mbi 50 %, shumë më shumë se 50 për qind janë të pakënaqur me rrugën ku po shkon shteti I=i Kosovës që tregon se kujdestari që i është dhënë besimi për me pas një rrugë të drejtë, e ka një notë të pamjaftueshme”, ka deklaruar ai.
Nga ana tjetër, Ismaili ka deklaruar se Qeveria Kurti mbetet qeverisja me më së paku suksese në mandate që mban mend.
