Këtë javë në një intervistë ekskluzive për gazetën InLajmi vjen ideatorja e 6 mini-biblotekave në vend Xhezide Selimi.
Selimi në këtë intervistë flet për idenë, sfidat e realizimin e këtyre mini-biblotekave.
InLajmi: Jeni ideatore e disa mini biblotekave në vend, nga ju lindi ideja?
Xhezide Selimi: Deri tash kemi realizuar 6 mini-bibloteka, në Viti, Ferizaj, Gjilan, Mitrovicë, Skenderaj, dhe Drenas, këto mini-bibloteka afërsisht kanë pamje të ngjashme sa i përket dukjes se tyre janë me ngjyre të kuqe të gjitha janë të vendosura në sheshet e këtyre qyteteve.
InLajmi: Sa ishte e vështirë realizimi i këtyre mini-biblotekave?
Xhezide Selimi: Nuk ishte e vështirë, këto mini-bibloteka I kemi bërë bashkë me qytetarët me organizatat kulturore që në qendër kanë librin, por një mbështetje tejet të madhe e kisha edhe nga shtëpitë botuese e klubet letrare
InLajmi: A morët përkrahje nga institucionet komunale për këtë ide?
Xhezide Selimi: Përkrahje institucionale as s’kam mare as skam kërkuar, vetëm lejet për shfrytëzimin e hapësirës publike i kemi marr nga komunat. Të gjitha komunat na kanë lëshuar lejet pa asnjë ndalesë, bile ka pasur komuna që brenda ditës na kanë lëshuar lejet për shfrytëzimin e hapësirës publike.
InLajmi: Si u priten nga qytetarët realizimi i këtyre mini-biblotekave?
Xhezide Selimi: Qytetarët e pritën mirë nga fëmijët e deri te më të moshuarit. Kishte dhjetëra prej tyre në secilin qytet që dhuruan libra për minibibliotekat. Por një mbështetje tejet të madhe e kisha edhe nga shtëpitë botuese e klubet letrare .Dhe krijues shkrimtar e poet individual që nuk hezituan të dhuronin krijimtarinë e tyre për minibibliotekat tona.
InLajmi: Çfarë mesazhi deshët të përcillnit tek qytetarët tanë me anë të këtyre mini-biblotekave?
Xhezide Selimi: Këto minibiblioteka janë krijuar me të vetmin qëllim që librin ta sjellin afër lexuesit dhe të krijohet kultura e huazimit te librave dhe rikthimit të tyre në minibiblioteka pas leximit /InLajmi/
