Autoritetet japonezë dhe koreano-jugorë bëjnë me dije se Koreja e Veriut lëshoi një raketë tjetër interkontinentale mëngjesin e së mërkurës, duke rritur më tej tensionet në rajon.
Raketa fluturoi për më shumë se një orë përpara se të binte në ujërat japoneze, në një akt që për shumë ekspertë ishte një kundërpërgjigje ndaj inkursioneve të fundit të avionëve spiunë amerikanë.
Peniani e cilësoi kalimin e avionëve amerikanë një ngjarje të rëndë dhe më herët kërcënoi se do t’i rrëzonte ata nëse do të vijonin me të tilla provokime.
Shqetësimet e sigurisë janë rritur në gadishull këtë vit pasi Koreja e Veriut testoi disa armë të reja. Si përgjigje, SHBA dhe Koreja e Jugut kanë shtuar stërvitjet e përbashkëta ushtarake rreth gadishullit.
Raketa e Koresë së Veriut të mërkurën fluturoi drejt lindjes nga Pheniani për më shumë se një orë përpara se të zbarkonte në perëndim të Japonisë rreth orës 11:15 me orën lokale. Fluturimi me kënd të lartë mbuloi një distancë prej 1000 km, shkruan A2CNN
“Ne dënojmë fuqishëm lëshimin e një rakete balistike me rreze të gjatë veprimi nga Koreja e Veriut si një akt i rëndë provokues që dëmton paqen dhe stabilitetin e gadishullit Korean dhe komunitetit ndërkombëtar dhe është një shkelje e qartë e rezolutave të Këshillit të Sigurimit të OKB-së”, shkruhej në reagimin e përbashkët të 2 vendeve.
