Ish-ambasadori i Kosovës në Emiratet e Bashkuara Avni Arifi, ka veçuar 4 projektet ndër të shumtat të cilat janë anuluar nga Bashkimi Evropian për Kosovën, ndërsa pret që secili ta vlerëson sa do të goditet mirëqenia e qytetarëve nga anulimi i projekteve, përcjell InLajmi.
Arifi si projekt të parë të anuluar e përmendi atë të lidhjes së banorëve të kryeqytetit me ngrohtoren qendrore në vlerë prej 87 milion euro.
Tutje ai tha se projekti i 2-të i anuluar për Kosovën në vlerë prej 110 milion euro është ai i cili ka të bëjë me ndërtimin e kapaciteteve për energji solare mbi deponit e pluhurit të KEK-ut.
Ndërkohë Arifi vuri në pah se projekti i 3-të i anuluar është autostrada Merdare-Prishtinë me vlerë 207.7 milion eur.
Dhe projekti i 4-të i anuluar sipas ish-ambasadori është ai i bashkëpunimit në mes të Universiteteve të Kosovës dhe rrjetit të 500 Universiteteve Europiane në vlerë 14.4 milion euro.
Postimi i plotë i tij:
Këto janë veç 4 nga projektet e shumta që janë anuluar nga BE për Kosovën dhe gjyko vet se sa godasin mirëqenien e qytetarit të Kosovës.
Projekti i parë i anuluar me vlerë prej 87 milion Euro godet 38.000 banorë të Prishtinës të cilët do të lidheshin me ngrohjen qendrore të qytetit në vitin 2027.
Projekti i 2-të i anuluar me vlerë prej 110 milion Euro ka të bëjë me ndërtimin e kapaciteteve për energji solare mbi deponit e pluhurit të KEK e që do të prodhonte 110MW energji elektrike apo mbi 13% të kapaciteteve ekzistuese të Kosovës.
Projekti i 3-të i anuluar është autostrada Merdare- Prishtinë me vlerë 207.7 milion Euro dhe e cila godet kryesisht diasporën dhe mban lartë koston e transportit të mallrave nga e për Kosovë.
Projekti i 4-të ka të bëjë me bashkëpunim ndër universitarë në mes të Universiteteve të Kosovës dhe rrjetit të 500 Universiteteve Europiane. 14.4 milion Euro do të ishte përfitimi i menjëhershëm dhe mundësi të shumta për studentët tonë që të marrin dije nëpër shumë universitete Europiane/InLajmi/
