Ylli i muzikës latine, Enrique Iglesias, ka performuar mbrëmë (e premte) për herë të parë në Shqipëri.
Artisti me famë ndërkombëtare ndezi zemrat e publikut shqiptar në sheshin “Skënderbej”.
Koncerti nisi në orën 21:30 dhe në bazë të disa pamjeve që janë publikuar është krijuar një atmosferë e paharrueshme.
Këngëtari 48-vjeçar duket se e shijoi këtë mbrëmje pasi të gjithë këndonin me të e brohorisnin.
Ai shquhet për këngët si: “Bailamos”, “Rhythm Divine”, duetin me Whitney Houston “Could I have this kiss forever”, “Turn the night up”, “Heart Attack” e “Duele el Corazon” dhe “Subeme la Radio” etj.
Përpara se të ngjitej në skenën madhështore, ai u nderua me ‘Çelësin e Tiranës’ nga kryebashkiaku Erion Veliaj.
Iglesias nuk ka dyshim se është një nga artistët më të mëdhenj spanjollë, që u bë i njohur në mbarë botën në fillin e viteve 90 dhe më pas karriera e tij ndërkombëtare u zgjerua, shkruan Telegrafi.
Ai gjithashtu është një nga këngëtarët spanjollë më të shitur në botë, ku numëron më shumë se 70 milionë disqe të shitura.
