Fundjava e shumëpritur për pushuesit dhe turistët bën që ata t’i drejtohen bregdetit për të shijuar rërën dhe freskinë e valëve gjatë temperaturave të larta.
Mirëpo, krahas motit me diell, kapriçot e motit këtë vit i kanë “detyruar” ata të thyejnë traditën, duke shkuar në plazh edhe në ditë me shi.
Edhe këtë të dielë, megjithëse qyteti i Vlorës ka qenë i mbuluar me vranësira për shkak të motit të paqendrueshëm, kjo nuk i ka penguar pushuesit të shkojnë në plazh pavarësisht shiut, shkruan Top Channel.
Mund të themi me plotë gojën se “trendi” për të gjithë dashamirësit e detit tashmë, në vend të banjo dielli, është bërë “banjo shiu”.
