Artisti shqiptar Edi Furra, është një prej emrave më të pëlqyer dhe më i kërkuar i muzikës shqipe, teksa shquhet si një interpretues i mirë i muzikës ‘live’, shkruan InLajmi.
Këtë të diel artisti Edi Furra vjen në një intervistë ekskluzive për gazetën InLajmi dhe ndan detaje nga jeta dhe karriera e tij.
InLajmi: A mund të na flisni për fillimet tuaja me këngën popullore?
Edi Furra: Tashmë është bërë e ditur që unë i takoj një familje me traditë kulturore dhe prej moshës fëmijërore nga 4 apo 5 vjeç jam i lidhur ngushtë me këngën popullore.
InLajmi: Si janë pritur projektet tuaja muzikore nga publiku e më gjerë?
Edi Furra: Gjithmonë kam pas kujdes nga reporteri im po ashtu edhe në projekte dhe duke i kushtuar kujdes sigurisht që suksesi nuk ka munguar dhe janë mirëpritur shumë mirë nga publiku i gjerë.
InLajmi: Kush ka qenë krah jush gjatë tërë kësaj kohe?
Edu Furra: Po duke nis nga familja sigurisht janë edhe anëtarët e orkestrës sime që ka mbi 20 vite që jemi së bashku ,Orkestri LIRIKËT.
InLajmi: A keni ndonjë artistë që ka qenë frymëzim për ju nëse po kush?
Edi Furra: Pasi që jam nga një familje tradicionale ku është kultivuar gjithmonë muzikë e pastër shqipe sigurisht kam shumë artist për zemër siç janë, Fetnete Rexha Hafsa Zyberi, Bik Ndoja, Shyqeri Alushi, Ismet Peja dhe gjithë kjo gjeneratë të cilët kanë kultivuar muzikë të bukur.
InLajmi: Ku janë të përhapura më së shumti aktivitet tuaja muzikore?
Edi Furra: Fatmirësisht duke falënderuar Zotin që na ka mundësuar në bagazhet tona të ketë reportoar të gjerë nga gjitha trevat shqipfolëse aktivitetet tona janë të shpërndarë anë e mbanë vendit dhe jashtë kufijve.
A mund të na flisni për planet për të ardhmen?
Edi Furra: Për momentin pas realizimit të ëndrrës time Koncertin Recital që e realizova me 26 Prill në Pallatin e Kulturës “Asim Vokshi” tani për momentin jemi akoma nën shijimin e këtij evenimenti madhështor. Libona Gegaj /InLajmi/
