Autoritetet spanjolle mbyllën shkollat, universitetet dhe qendrat e kujdesit ditor pasi shirat e rrëmbyeshëm përfshinë vendin pas një thatësire të gjatë, duke lënë pas bodrume të përmbytura, makina të zhytura në ujë dhe rrugë të mbyllura, transmeton InLajmi.
Reshjet e dendura priten të vazhdojnë gjatë gjithë të martës në zonat më të goditura, duke përfshirë pjesë të rajoneve të Murcia, Valencia dhe Andaluzia, shkruan Reuters.
Shirat mund të ndihmojnë në zbutjen e thatësirës që ka prekur tash e sa kohë Spanjën, e cila ishte në rrugën e duhur për të regjistruar pranverën më të thatë që nga fillimi i regjistrimeve në vitin 1961, tha zëdhënësi i AEMET Ruben del Campo. /InLajmi/
