Aktori i njohur kosovar, Jeton Zogiani, këtë javë vjen në një rrëfim ndryshe sa i përket aspektit profesional e atij personal, shkruan InLajmi.
Aktrimi, sfidat, komentet e deri tek politika Jetoni i ndan me lexuesit e InLajmit.
InLajmi:Cilat janë disa nga sfidat kryesore e të qenurit pjesë e botës së artit?
Jeton Zogiani: Sfidë shumë e madhe për aktorët është si në vijim: Akademia e Arteve prodhon aktor pa pas ku t’i pozicionojë, ose thënë thjesht pa mbulesë, për t’u punsuar një aktor në TTK i duhet të presë 65 vite qe të pensionohet një aktor qe ky të vihet në vendin e tij, etj!
InLajmi: Jeni që sa vite pjesë e ekranit, cili është seriali ose shfaqja që ua ka ndryshuar jetën?
Jeton Zogiani: Seriali “O Sa Mirë”, ky serial më ka ndryshuar jetën!
InLajmi: Keni ndonjë koleg që keni punuar gjatë mirëpo më nuk keni kontakte dhe nëse po pse?
Jeton Zogiani: Shumë, kur përfundon x projekti, me shumë pak koleg të mbetet komunikimi, i numëron me gishtat e njërës dorë.
InLajmi: Çka ju nxit juve që të komentoni situatën aktuale në vend përmes rrjeteve sociale?
Jeton Zogiani: Gënjeshtra e madhe, dhe kalaja e ndërtuar prej rërë. Jam zë kritik sepse kam vendosur të jetojë dhe veprojë në vendin tim, jo të iki në heshtje dhe ta vendos kokën në zall si struc!
InLajmi: Si janë reagimet e njerëzve në komentet tuaja për këto zhvillime, si përgjigjen ata?
Jeton Zogiani: Pro & Contra, kur je zë kritik ke edhe-edhe, por të gjithë i trajtoj më kujdes, janë të mirë, por lehtë të manipulueshëm nga demagogët.
Inlajmi: Cilat janë planet tuaja të ardhshme, përveç aktrimit a do ta shohim Jetonin edhe si pjesë aktive të politikës?
Jeton Zogiani: Zë kritik po, a pjesë e politikes nuk e besoj, është zhgarravitur skena politike.
InLajmi: A keni menduar ndonjëherë te largoheni nga Kosova dhe pse?
Jeton Zogiani: Jo, sepse e dua këtë vend, ndjej mall për këtë vend, dhe malli për vendin tënd nuk përllogaritet më vlerë monetare. Libona Gegaj /InLajmi/
