Presidenti i Ukrainës Volodymyr Zelensky ka thënë se vendit të tij i duhet më shumë kohë për të nisur një kundërofensivë të shumëpritur kundër forcave ruse, pasi ushtria e saj pret dërgimin e ndihmës së premtuar ushtarake, transmeton InLajmi.
Sulmi i radhës mund të jetë vendimtar në luftë, duke rivizatuar vijat e frontit, të cilat kanë mbetur të pandryshuara për muaj të tërë. Do të jetë gjithashtu një provë vendimtare për Ukrainën, e cila është e etur për të provuar se armët dhe pajisjet që ka marrë nga Perëndimi mund të rezultojnë në përfitime të rëndësishme në fushën e betejës.
Duke folur në selinë e tij në Kiev, presidenti Zelensky i përshkroi brigadat luftarake, disa prej të cilave u trajnuan nga vendet e NATO-s, si “të gatshme”, por tha se ushtrisë ende i duhen “disa gjëra”, duke përfshirë automjete të blinduara, shkruan BBC.
“Me atë që kemi tashmë ne mund të shkojmë përpara dhe, mendoj, të jemi të suksesshëm,” tha ai. /InLajmi/
