Trupat e pajetë të 2 turisteve të vdekur nga humnera në kalimin Theth – Valbonë janë nxjerrë këtë mëngjes, pas 11 orëve operacion në terren, grupi i vullnetareve, shërbimi i kërkim – shpëtimit malor të Kosovës dhe policia.
Pavarësisht motit të keq dhe sugjerimit të banorëve të Thethit, 4 turistët janë nisur nga Thethi për të bërë kalimin mes Bjeshkëve, pa guidën turistike.
Sapo kanë kaluar Thethin, ata janë përballur me një mjegull të dendur dhe prani të dëborës. Në zonën e njohur si “Qafa e Valbonës”, që është edhe pjesa me e rrezikshme, turistët kanë ngatërruar shtegun dhe për shkak të mjegullës së madhe, 3 prej tyre kanë rrëshqitur duke rënë në humnerë, shkruan Top Channel.
2 prej tyre kanë humbur jetën menjëherë pas përplasjeve të forta dhe rënies se gurëve, një është plagosur ndërsa tjetri ka njoftuar policinë. Këta të fundit kanë mbërritur të paret në vendin e ngjarjes, por për shkak të mungesës se pajisjeve dhe teknologjisë së kërkim – shpëtimit, kanë kërkuar ndihmën e vullnetarëve dhe grupit të ekspertëve të Kosovës.
