Instituti Kombëtar i Trashëgimisë Kulturore solli në vëmendje një nga monumentet e kulturës që gjenden pranë Tiranës e që fare mirë mund të vizitohen në fundjavë.
E vendosur nën fshatin Brar, që përshkon lumin e Tiranës, “Ura e Brarit” është një strukturë e rëndësishme arkitekturore e klasifikuar tipologjikisht si një urë me qemer rrethor.
Kjo urë guri karakterizohet nga një hark rrethor dhe është ndërtuar në 2 faza. Në fazën fillestare, në fillim të shekullit të 18-të, kalldrëmi i urës kishte një pjerrësi më të madhe. Megjithatë, kjo prirje u zbut më vonë me shtimin e mureve në të 2 anët.
Historikisht, Ura e Brarit shërbeu si një lidhje jetike midis fshatit Brar dhe Tiranës, si dhe rruga e karvanit Tiranë-Dibër, e cila kalonte përmes fshatit të afërt të Tujanit, shkruan ATSH.
Kjo urë zë një pozicion të spikatur në trashëgiminë kulturore dhe klasifikohet si monument kulture i Kategorisë së parë (I), duke treguar vlerën e saj të jashtëzakonshme për trashëgiminë kulturore.
