SHBA dhe Koreja e Jugut kanë siguruar një marrëveshje historike për të kundërshtuar kërcënimin bërthamor të Koresë së Veriut, transmeton InLajmi.
Uashingtoni ka rënë dakord të vendosë nëndetëset amerikane të armatosura bërthamore në Korenë e Jugut dhe të përfshijë Seulin në operacionet e planifikimit bërthamor.
Në këmbim, Koreja e Jugut ka rënë dakord të mos zhvillojë armët e veta bërthamore.
Së fundi, të 2-ja palët kanë rritur shqetësimin për kërcënimin bërthamor të paraqitur nga Koreja e Veriut. Pheniani po zhvillon armë taktike bërthamore që mund të synojë Korenë e Jugut dhe po përpunon armët e tij me rreze të gjatë që mund të arrijnë në territorin e SHBA-së, shkruan BBC.
Shtetet e Bashkuara tashmë kanë një detyrim traktati për të mbrojtur Korenë e Jugut dhe më parë janë zotuar të përdorin armë bërthamore nëse është e nevojshme. Por disa në Korenë e Jugut kanë filluar të dyshojnë në këtë angazhim dhe të bëjnë thirrje që vendi të ndjekë programin e tij bërthamor. /InLajmi/
