Drejtori ekzekutiv i Institutit të Kosovës për Drejtësi, Ehat Miftaraj, ka reaguar ndaj deklaratës së kryeministrit të Kosovës Albin Kurti në kuvend, i cili derisa foli për arrestimin e kryeshefit të KEK-ut, tha se “Në Prokurorinë e Shtetit dhe atë sa më lart aq më shumë, ekziston një disponim politik negativ ndaj qeverisjes sonë” ndërsa hodhi akuza në drejtim të prokurorit Blerim Isufaj, përcjell InLajmi.
Sipas Miftaraj, targetimi i prokurorëve dhe gjykatësve nga pushteti është veprim i shëmtuar.
Për më tepër, ai e quajti sjelljen e qeveritarëve si të papranueshme dhe të dëmshme ndërsa theksoi se Kushtetuta e Kosovës nuk e duron një sjellje të tillë.
Tutje, ai tha se veprimet e tilla janë kundër vlerave që i kërkon sundimi i ligjit dhe qeverisja e mirë.
Postimi i plotë i tij pa ndërhyrje:
Targetimi i prokurorëve dhe gjykatësve nga pushteti êshtë veprim i shëmtuar. Sjellje e papranueshme dhe e dëmshme.
Kushtetuta e Kosovës nuk e duron një sjellje të tillë. Veprim kundër vlerave që i kërkon sundimi i ligjit dhe qeverisja e mirë.
Dobët, shumë shumë dobët. /InLajmi/
