Rreshjet e dendura të shiut dhe erërat e forta që kanë mbizotëruar të shtunën, kanë shkaktuar dëme materiale në qytetin e Ferizajt.
Ndërkohë, Instituti Hidrometeorologjik i Kosovës ka paralajmëruar se të shtunën do të mbajë mot me vranësira, të cilat gjatë ditës parashihen të shoqërohen me reshje shiu në vende-vende dhe me shkarkime rrufesh.
“Temperaturat do të shënojnë rritje sidomos në vlerat e minimaleve, derisa ato maksimalet priten të jenë tipike pranverore. Gjithashtu edhe presioni atmosferik do të ulet dukshëm nën vlerat e normales”, thuhet në njoftimin e IHMK-së.
Ndërkaq, Instituti për të dielën ka parashikuar se do të mbajë mot kryesisht i vranët, por nuk do të mungojnë edhe intervalet me diell, skruan Telegrafi
“Vranësirat vende-vende parashihen të sjellin riga shiu. Në fushat termike nuk do të ketë ndryshime kryesisht në vlerat e temperaturave maksimale, ndërsa minimale do të shënojnë ulje për 3-5 gradë Celsius”, thuhet tutje.
