Fatmir Limaj, kryetari i Nismës Socialdemokrate, ka thënë se pika 7 e marrëveshjes së Ohrit është marrëveshja e vitit 2015.
“Në pikën 7 janë organet e Asociacionit, nga Kuvendi, Bordi, kryetari dhe stema e flamurit. Kompetencat do të bisedohen me status”, ka thënë Limaj.
“Kosovës i ka ardhur një marrëveshje shumë e keqe, e rëndë… Serbia me këtë marrëveshje bëhet hisedare në Kosovë”, ka thënë tutje Limaj duke shtuar se në këtë marrëveshje një pjesë është version i ish-kryeministrit të Serbisë, Zoran Gjingjiq.
“Plani i Gjingjiqit ka pasur 2 drejtime: sa më shumë të drejta të komunitetit serb në Kosovë dhe e dyta të rikthehet e drejta e shtetit serb mbi Kosovën”, ka shtuar Limaj në RTV Dukagjini.
Sipas tij, kjo marrëveshje ka ardhur nga mos-komunikimi i kryeministrit Kurti me aleatët ndërkombëtarë, duke theksuar se i njëjti nuk ka legjitimitet.
