Ajo që do të dëgjoni më poshtë është ndoshta versioni i parë i regjistruar i këngës shqipe ‘Rroka mandolinën’.
Këngën të cilën më vonë do ta këndonte Luan Hajra, Nexhmije Pagarusha, Eranda Libohova e këngëtarë të tjerë, rreth fillimit të viteve 20-të e këndonte Athanas Mone, Andreas Papas dhe Ansambli Zoto.
Kënga asokohe mbante titullin ‘Mallëngjim dashureve’, që do të kthehej në “Mallëngjim Dashurie” apo ‘Desire of Love’ në anglisht, para se të merrte titullin që ka sot.
Kënga është pjesë e një albumi që përmbledhë perlat e folklorit shqiptar, përfshirë “Një lule e bukur doli nga xheneti”, “Kënga e dhimitraqit”, “Hunde e bukur”, “Havazi i 2 motrave” e këngë tjera, kënduar nga Zonja Qerina, Mati Kola, Jonuzi me Shokët dhe formacione tjera, shkruan Kult Plus.
“Rroka mandolinën” ka ndërruar formën por megjithatë ka mbetur një ndër këngët më të mira shqiptare, që me endje dëgjohet edhe sot.
