Rusia do të vendosë armë bërthamore taktike në Bjellorusi, ka thënë presidenti Vladimir Putin, transmeton InLajmi.
Presidenti Putin tha se masa nuk do të shkelte marrëveshjet dhe e krahasoi atë me SHBA-në që vendos armët e saj në Evropë, sipas mediave shtetërore ruse.
Bjellorusia ndan një kufi të gjatë me Ukrainën, dhe me anëtarët e NATO-s Poloninë, Lituaninë dhe Letoninë.
Kjo do të jetë hera e parë që nga mesi i viteve 1990 që Moska do të ketë armë bërthamore jashtë vendit.
Regjimi bjellorus është një aleat i fortë i Kremlinit dhe mbështetës i pushtimit të Ukrainës, shkruan BBC.
Presidenti Putin i tha televizionit shtetëror rus të shtunën se lideri bjellorus Alexander Lukashenko kishte ngritur prej kohësh çështjen e vendosjes së armëve taktike bërthamore në Bjellorusi. /InLajmi/
