Ambasadori i Bashkimit Evropian në Kosovë, Tomas Szunyog u takua me kryetarin e Partisë Demokratike të Kosovës Memli Krasniqin dhe shefin e Grupit Parlamentar të kësaj partie, Abelard Tahirin, përcjell InLajmi.
Në këtë takim u diskutua për mbështetjen e opozitës për zbatimin e menjëhershëm të marrëveshjes në rrugën e normalizimit ndërmjet Kosovës dhe Serbisë.
Ambasadori Szunoyog njoftoi se Komisioni Evropian është në proces të përgatitjes së Raportit të vitit 2023 për Kosovën dhe ka disa fusha që kërkojnë përparim legjislativ në rrugën evropiane të Kosovës.
“Koha është thelbësore pasi raporti mbulon periudhën deri më qeshor të këtij viti”, thuhet në deklaratën e BE-së. /InLajmi/
