Kryetari i Lidhjes Demokratike të Kosovës , Lumir Abdixhiku, ka vizituar degën e LDK-së në Ferizaj, përcjell InLajmi.
Abdixhiku tha se rritja e LDK-së po merr formë nëpër çdo degë me arritje të mbara si në Ferizaj na japin shtytje të madhe.
Ai tha se ftojnë secilin me vullnet për angazhim politik që t’i bashkohet LDK-së dhe të ndërtojnë rrugën e suksesit përpara.
Postimi i plotë i tij:
Sonte, vizituam Visarin dhe degën tonë në Ferizaj. Mes miqve, bashkëpunëtorëve e veprimtarëve të Lidhjes, qëndruam në ambientet e reja të shtëpisë sonë të vjetër.
Rritja e LDK-së – nëpërmjet hapjes, unitetit e vet ndryshimit – po merr formë nëpër çdo degë tonën. Ndonëse të vetëdijshëm për punën e nevojshme përpara, arritjet e mbara si këto në Ferizaj, na japin shtytje të madhe. Sot, ftojmë secilin me vullnet për angazhimin politik, që të bëhet pjesë e jona e së bashku ta ndërtojmë rrugën tonë përpara./InLajmi/
