Deputetja e Kuvendit të Kosovës nga radhet e AAK-së Albena Reshitaj reagoi sërish pas deklaratave të së mërkurës së krye parlamentarit Konjufca, raporton InLajmi.
Deklaratën e Konjufcës deputetja nga radhët e AAK-së e cilësoi si të pahijshme dhe të pavertetë.
“Dje emri im u lakua nga shumë media nga një deklaratë emocionale e aspak e hijshme dhe publike nga ana e kryesuesit të Kuvendit, duke mbyllur seancën me një të pavërtetë se unë kinse kam qëndruar për pak sekonda në Kuvend”, tha Reshitaj, në Kuvend.
Mes tjerash, Reshitaj theksoi se nuk punon për mëditje dhe nuk është deputete e mëditjeve dhe e rrogës.
“Nuk jam unë deputetja e mëditjeve, as për mëditje e as për rrogë nuk vi në Kuvend .Zoti Konjufca, për disa deputetë që qëndruan aq sa unë e ndoshta edhe më pak kohë në Kuvend, sikur nuk iu paskan munguar ose gjithë mllefin që kishte nga pamundësia për të koordinuar dhe bërë funksional seancës, filloi ta derdhte mbi emrin tim dhe mbi mua dhe pikërisht në ditën e grave”, shtoi ajo. /InLajmi
