Pastrimi është një pjesë thelbësore e çdo rutine të kujdesit të lëkurës, por zgjedhja e pastruesit të duhur për lëkurën tuaj është gjithashtu jetike
A duhet të pastroj fytyrën paradite dhe pasdite?
Shpesh na pyesin a duhet të pastrojmë fytyrën dy herë në ditë dhe përgjigja për këtë është – PO.
Në mëngjes, pastrimi i fytyrës është i dobishëm për shkak të procesit natyral të eksfolimit që ndodh gjatë gjumit. Pastrimi i fytyrës kur zgjoheni ndihmon në largimin e çdo toksine, qelizash të vdekura të lëkurës dhe vajrave të tepërta që lëkura mund të sekretojë gjatë natës.
Pastruesi i duhur do të balancojë lëkurën tuaj dhe do të sigurojë një sipërfaqe të freskët për fillimin e ditës, duke lejuar depërtimin më të mirë të produkteve të kujdesit të lëkurës.
Në mbrëmje, është e rëndësishme të lani grimin, papastërtitë dhe mbeturinat që lëkura juaj do të ketë mbledhur gjatë gjithë ditës, po ashtu, disa ndryshime fiziologjike në lëkurë ndodhin gjatë natës dhe çdo papastërti sipërfaqësore do të parandalonte lëkurën të rigjenerohet siç duhet.
Pse është i rëndësishëm pastrimi?
Gjatë ditës, lëkura në fytyrën tuaj mbulohet vazhdimisht me baktere, papastërtitë. Pastrimi do të heqë këtë sipërfaqe të krijuar dhe do të lejojë një gamë të pastër për produktet e tjera të kujdesit të lëkurës që do të vijojnë më pas.
Poret e mbingarkuara jo vetëm që mund të shkaktojnë çarje, por edhe të parandalojnë përthithjen e produkteve të tjera për kujdesin e lëkurës. Pastrimi i përditshëm do të ndihmojë në pastrimin e poreve dhe do të sigurojë që përbërësit aktivë në hidratuesit dhe serumet tuaja të mund të depërtojnë në shtresat më të thella të lëkurës, shkruan Telegrafi.
Rritja e hidratimit
Pastrimi ndihmon në menaxhimin e niveleve të pH të lëkurës; duke mundësuar mbajtje të mjaftueshme të ujit dhe produktit.
