Konkurset për disa pozita në Universitetin e Prizrenit po pretendohet të kenë qenë të kurdisura ngas dega e Lëvizjes Vetëvendosje në këtë komunë.
Sipas njërit prej kandidatëve i cili ka kërkuar të mbetet anonim, ende pa përfunduar procedurat e kanë pasur të ditur që do të punësohet një familjar i një prej asamblistëve të partisë.
Sipas aktivistit, Ilir Baldedaj, janë në fakt 4 pozita që janë fituar me ndikime politike nga LVV në universitet.
Këto akuza u mohuan nga Universiteti “Ukshin Hoti” ku deklaruan se procedurat janë zhvilluar në përputhje me dispozita ligjore dhe nuk ka pasur presione politike, shkruan KlanKosova.
Në lidhje me këto pretendime, kreu lokal i LVV-së në Prizren nuk u lajmërua të deklarohet.
