Republika e Kosovës importon qindra produkte nga vende të ndryshme ndërsa kualiteti i tyre mbetet të vlerësohet nga organet kompetente që veprojnë në Kosovë. Por pavarësisht ekzistencës së institucioneve që merren ekskluzivisht me kontrollin e cilësisë së produkteve që hyjnë në tregun e Kosovës, tek popullata gjithmonë ekziston frika nga produktet që i konsumojnë, shkruan InLajmi.
Shqetësimet e qytetarëve lidhur me cilësinë produkteve ushqimore që konsumohen në vend janë të drejta, kur kemi parasysh se shpeshherë është raportuar për konfiskim të produkteve me cilësi apo prejardhje të dyshimt sikur edhe me produket të cilat kanë pësuar ndryshime në kualitet për shkak të mbajtjes së tyre në vende jo adekuate.
Siguria e ushqimit është fushë komplekse që kërkon mbikqyrje e kontrolle permanente, ndërsa për këtë fushë në Kosovë kujdeset Agjencia e Ushqimit dhe Veterinës e cila me profesionalizëm e vigjilencë të shtuar bën kontrollin e produkteve që hyjnë në Kosovë nga importet e të cilat konsumohen nga qytetarët.
Drejtori i Agjencisë së Ushqimit dhe Veterinës, Lamir Thaçi, eksluzivisht për Gazetën InLajmi, ka deklaruar se institucioni që ai udhëheqë është i angazhuar me gjitha kapacitetet ligjore dhe humane që qytetarët të jenë të sigurt për konsumimin e produkteve që hyjnë në vend. Sipas tij, siguria ushqimore është fushë komplekse dhe kërkon angazhim profesional të përhershëm për arritjen e efektit të dëshiruar.
“Ushqimi i sigurt nuk ka alternative. Agjencia e Ushqimit dhe Veterinarisë punon në të gjithë zinxhirin ushqimorë, që produktet finale të cilat dalin në treg dhe blihen për konsum të jenë të shëndetshme-sigurta. Siguria ushqimore është një fushë e gjerë komplekse e cila kërkon vigjilencë në mbikëqyrje, profesionalizëm në kontrolle dhe shkencë në analiza. Kur këto të gjitha funksionojnë, arrihet efekti ‘’të quajturit ushqim i kontrolluar’’, ka deklaruar Thaçi për InLajmin.
Për më tepër drejtori Thaçi shprehet se të gjitha veprimet e AUV-it gjatë kontrollit të produkteve që hyjnë dhe kosnumohen në vend janë brenda kornizës ligjore ekzistuese.
“Të gjitha veprimet që AUV ndërmerr në praktikë, janë të rregulluara me ligje dhe të obligueshme për ne si autoritet në implementim. Vetëm ushqimet të cilat i plotësojnë kriteret ligjore të sigurisë lejohen të qarkullojnë në treg”, tha shefi i AUV-it.
Drejtuesi i institucionit për kontrollin e ushqimit Lamir Thaçi, ka shpalosur detaje rreth kontrollit të cilësisë së produkteve që hyjnë në Kosovë përmes importit, ndërsa ka theksuar se kontrolli bëhet nga inspektorët fito-sanitar dhe ata të veterinës, varësisht nga lloji i produktit që importohet.
“Të gjitha ngarkesat me produkte ushqimore, kafshë dhe bimë të cilat importohen në mënyrë të rregullt i nënshtrohen kontrollit të inspektorëve të Agjencisë se Ushqimit dhe Veterinarisë. Varësisht nga lloji i produktit me kod doganor është e paraparë kontrolli i inspektorit kompetent ( të fushës). Në kontrollin e produkteve nga importi veprojnë 2 inspektorate, ai veterinarë dhe fitosanitar. Procedura e kontrollit përfshin; dokumentacionin e ngarkesës i cili duhet të jetë origjinal, ku në të përfshihet certifikata shëndetësore, certifikata e origjinës së produktit si dhe dokumentacioni tjetër përcjellës që dëshmon sigurinë e produktit për konsum”, theksoi Thaçi.
Kryesuesi i AUV nuk ka dhënë detaje për sasinë e produkteve të konfiskuar dhe asgjësuar për shkak të cilësisë së dyshuar gjatë vitit të kaluar, por ka theksuar se vetëm në këtë fillimvit janë asgjësuar 168 klogram produkte me origjinë shtazore edhe 35 kilogram produkte me origjinë bimore të cilat fillimisht iu kanë nënshtruar kontrollit veterinar dhe fito-sanitar.
Ndërsa sa i përket importit të produkteve, Thaçi për InLjamin tha se importi i produkteve ushqimore bëhet nga vende e priodhues të ndryshëm por që janë në harmoni me legjislacionin vendor sa i përket kritereve dhe rregullave.
“Nuk kemi të themi konkret se nga cili vend importohen mallra më shumë, sepse sasia e produktit, sasia e prodhimit dhe konsumit vendor varion nga viti në vit. Të drejtë importi, respektivisht eksporte realizohen nga prodhues nga vende te ndryshme dhe për produkte te ndryshme qoftë ushqimore dhe jo ushqimore. Importe realizohen nga vende të ndryshme, prodhues të ndryshëm për te gjitha produktet që janë në harmoni me kërkesat e legjislacionit vendor. Një produktet që është në kundërshtim me kërkesat ligjore, pa marre parasysh vendin e origjinës, si i tillë nuk mund të pranohet të futet për qarkullim, përdorim në territorin e Republikës së Kosovës”, sqaroi Thaçi.
Ndonëse secili prodhues dhe importues paraprakisht ka të njohura kriteret e produkteve që mund të importohen, megjithtë ndodh që gjatë kontrollit të produkteve të importuara ato të kthehen në vendin e origjinës për shkak të dyshimeve në cilësi.
“Ka ndodhur që ngarkesa të refuzohen dhe të kthehen në vendin e origjinës. Por ka edhe raste kur një ngarkese është asgjësuar në kufij. Dmth nga pika kufitare ka shkuar në deponi të mbeturinave. Varësisht nga rasti arsyet kanë qenë të ndryshme. Në treg kemi hasur sasi të ndryshme ndër vite. Ai produkte që nuk i plotëson kushtet ligjore të sigurisë asgjësohet. Nuk ka rëndësi nga vie apo ku prodhohet. Për të dalë në treg duhet të jetë i sigurt. Vitin e kaluar janë asgjësuar rreth 2 milion kg produkte që nuk kanë qenë të sigurta për konsum”, u shpreh Thaçi për InLajmin. Arjanita Osmanaj /InLajmi/
