Si një ish-bashkë partiakë me Kurtin, Ymeri thotë se Qeverisja e tij sot nuk ka asgjë të përbashkët me konceptin e VETËVENDOSJE!-s së dikurshme, as ideologjikisht e as praktikisht.
“VETËVENDOSJE! konceptualisht ka parashikuar politika që do ta kishin për qëllim transformimin e shoqërisë në aspektin ekonomik, social e politik. Qeverisja e Kurtit sot është krekosje për mirë menaxhim e cila nuk bën asgjë tjetër përveç se e mirëmban pabarazinë shoqërore”, u shpreh ai.
Në dialogun me Serbinë, siç thotë Ymeri, Kurti nuk ka arritur asnjë presje ta ndryshojë në procesin e deritashëm.
“Kur e filloi më nxjerrjen dhe zbatimin e politikave që i quante shtrirje e sovranitetit në veri, premtimi ishte se, përkundër qortimeve nga partnerët tanë, Kosova do të përfitojë meqë do të jetë më shumë sovrane ne terren. Përfunduam me situatë edhe më të [‘integruar në veri dhe me raporte shumë më të acaruar me partnerët perëndimor”, vlerëson Ymeri.
Sipas Ymerit, nuk ka kurrfarë plani të mirë përdorimit të pasurisë publike në të mirë të qytetarëve, përcjell FrontOnline.
“Ka vazhdim të privatizimit si më parë. Nuk ka fonde që i vendosen në dispozicion sektorit privat për ta rritur kapacitetin prodhues e punësimin, me përjashtim të disa masave (të mira por të pamjaftueshme) efektin e të cilave nuk e mesojmë kurrë. As të mos flasim për përmirësim të të mirave sociale për qytetarët si arsim e shëndetësi të cilat nuk kanë lëvizur vendi”.
