Ganimete Musliu flet ekskluzivisht për Gazetën InLajmi, për të arriturat e të munguarat e shtetit të Kosovës.
Ndër tjerash ajo shpërfaq figurën më të fuqishme politike i cili sipas saj do të jetësonte synimet e qytetarëve në Kosovën e Pavarur.
InLajmi:15 vjet histori e mbushur me ngjarje, ëndrra, synime, a është Kosova pranë apo shumë larg progresit të dëshiruar?
Ganimete Musliu: Në këto 15 vjet pavarësi Republika e Kosovës ka shënuar shumë progres. Kjo është e padiskutueshme. Në të njëjtën kohë jemi përballur me sfida të jashtëzakonshme. Ngecja e disa proceseve që në realitet nuk janë të varur vetëm nga ne, ka çuar në krijimin e kauzave të dëmshme shoqërore nga një grupim ekstrem. Kosova sot është sa afër po aq edhe larg progresit jo vetëm të dëshiruar, por edhe të merituar.
InLajmi: Cili është mesazhi i juaj për politikbërësit në raport me fuqizimin e shtetit më të ri në botë?
Të gjithë, pa asnjë përjashtim janë përgjegjës. Klasa politike në Kosovë sikur e ka harruar obligimin kryesor që ka. Prandaj, u bëj thirrje për më shumë punë, përgjegjësi, llogaridhënie dhe për më shumë krenari shtetërore. Shteti ynë fuqizohet vetëm atëherë kur ne e duam dhe kur ne i shërbejmë si duhet.
Kush do të ishte sipas juve figura më e fuqishme politike që do të jetësonte synimet e qytetarëve?
Ganimete Musliu: Pa asnjë dyshim, Partia Demokratike dhe Hashim Thaçi. /InLajmi/
